Hvad for noget...! Harpa og Árni í Køben

Eftir þrjú góð ár í Köben stöndum við á tímamótum, við erum að flytja til Íslands. Á þessum þremur árum höfum við setið við námslestur, unnið fyrir dýrmætri reynslu á vinnumarkaðnum og það sem er í raun mikilvægast, við erum búin að stofna okkar eigin heimili og komast að því að þetta er eitthvað sem við ætlum að gera til æviloka :-)

Íbúðin er tóm og búið að skila lyklunum! Við erum komin á hótel niður á Vesterbrogade þar sem við ætlum að leika túrista í HEIMABORGINNI okkar næstu 3 daga. Jáh nú erum við komin í frí og þetta frí ætlum við að nota í að kveðja okkar æðislegu og dýrmætu vini sem við höfum eignast á þessum tíma, bæði danska og íslenska. Vænst þykir mér samt um "fjölskylduna okkar" sem er búin að hjálpa okkur í gegnum súrt og sætt og erum við einmitt að fara til þeirra í kvöld, Sigga Lóa, Kristján, Anna og Elsa við elskum ykkur svooona mikið!!!

Vonandi bíður framtíðin bara björt með heilbrigðu lífi okkar beggja, heilbrigðum börnum, góðri vinnu og frábærum vinum sem við ætlum að vera dugleg að rækta! Takk til mömmu okkar og pabba fyrir að vera alltaf til staðar þegar við þurftum á að halda, takk til allra okkar ættingja og vina sem hafa verið svo æðisleg!

En jæja okkar bók er á enda, takk fyrir að lesa elskurnar mínar! Sjáumst á röltinu því ekki verður skrifað aftur á þessa síðu... köttur út í mýri, setti uppá sig stýri, ÚTI ER ÆVINTÝRI !!!!!!!!

Er þetta ekki einkennilegt! Síðasta kvöldið okkar á Hovmålvej er runnið upp... íbúðin er orðin galtóm og ekkert í henni nema ferðatöskur og dýna til að sofa á sem verður svo hent út í gáminn í fyrramálið! Gámurinn verður sóttur í hádeginu...

Við erum nú ekkert sérlega rómó hérna síðasta kvöldið erum bara að þrífa hehehe... erum búin að vinna hörðum höndum í allan dag að bera út í gáminn ásamt meistaranum Andra Stef og drollunni Siggu skvís (takk esskurnar mínar) og greyið strákarnir þeir voru sko vel blautir eftir þetta allt saman!

En mér líður hálf einkennilega núna, ætli maður sé ekki bara að átta sig á því að það sé að koma nýr kafli í lífinu!!!!!!

Komiði margblessuð og sæl. Mikið búið að ganga á hérna síðustu daga, eigum við ekki að segja að það sé allavegana líf og fjör hérna í endaraðhúsinu ;-)

Svona stuttur rúntur yfir það helsta:
-við Sigrún erum búnar að versla fyrir allan peninginn!
-17.júní var haldinn hátíðlegur á ströndinni, ótrúlega gaman!
-ég og Sandra skelltum okkur í Kvennahlaupið!
-Sigrún djammaði á hommabörunum í Köben á laugardagskvöldið!
-Árni kallinn kom til Köben og miklir endurfundir hjá okkur skötuhjúum!

Í dag erum við aftur á móti búin að púla af okkur allt vit því við vöknuðum kl.10 í morgun og byrjuðum á að tæma geymsluna okkar, þar næst hófumst við handa við að bera alla þessa kassa sem við Sigrún vorum búnar að pakka í út í gáminn og pökkuðum svo restinni og bárum út... Þetta tók bara gjörsamlega allan daginn og ég segi það og skrifa, undirbúiði ykkur vel undir svona flutninga því þvílíkt og annað eins vesen úff púff! Við eigum samt helling eftir, sófasettið okkar og sjónvarpið, dýnan og fleira er eftir inní íbúðinni en þessu verður öllu endurraðað á morgun og gámnum lokað annað kvöld! Það versta er samt eftir og það er að verðmerkja mublurnar okkar út af tryggingunum, jísúss hehe þarf að fá mér einn kaldann við þá skriffinsku!!!

Vááh ég er bara ekki að trúa því að þessu sé öllu að ljúka hérna...

Gvuð minn góður... vinsamlegast skilið því til Sissa að við séum virkilega að taka á því hérna!! Annar eins shoppingleiðangur hefur ekki sést hjá okkur stöllum fyrr og vorum við svo slæmar í gær að við höltruðum heim eftir Strikið. Ákváðum svo BARA að vera í Fields í allan dag og þurftum að kaupa ferðatösku til geta verslað meira því þunginn á pokunum var meiri en flest lóðin í Kaplakrika ó jáh!!!

Fyrir utan heilt hjól, 20 pappakassa, þvottavél og þurrkara hérna í stofunni ásamt svona 50 innkaupapokum þá líður okkur nú samt vel hérna í endaraðhúsinu! Við liggjum flatar í sitt hvorum sófanum og getum varla hreyft legg né lið en harkan sex er að byrja, ætlum að pakka eitthvað í kvöld og borða mexíkanska pizzu ... og að sjálfsögðu þarf að fara að vinna í þessum heimilisbar hérna ;-)

Only 2 days í Árna minn og 2 dagar í grill/strandparty ársins, see you there.... ;-)

..... þetta er viðskiptafræðingurinn ;-)

Prófið gekk eins og í sögu og við fengum náttla bara geggjaða einkunn, NÉMA HVAÐ!!!!

Í dag er ég búin að sitja á skólabarnum og øllast með krökkunum, liggja eins og skata með Söndru á ströndinni og nú er ég nýkomin heim til að undirbúa grillmat sem við Sandra ætlum að snæða hérna í góða veðrinu.

Rúsínan í pysluendanum er svo á leiðinni með Icelandair því Sigrún mín Gils er á leiðinni :-)

Jiii fyndið að geta sagt svona, ekki á morgun heldur hinn!!!! Ég held bara hreinlega að það sé að fara að koma að þessu hjá manni :-) Ég ákvað að hjóla Strikið á leiðinni heim úr skólanum í dag því hitinn, sólin og mannlífið gerir mig eitthvað svo glaða. Ég settist með nestið mitt á Amagertorv og lét mig dreyma um að ég væri eitt af þessum ástföngnu pörum með ís... jájá bara 6 dagar í Árna minn og eins gott að það verði svona blíða þá, hann á það sko alveg skilið (og ég líka hehe)

Hitti Tinu skólasystur mína í CBS á Strikinu. Ótrúleg tilviljun og var hún í sama pakkanum og ég, gat ekki lært meir og á að verja sína ritgerð á morgun. Þetta er eina vinkonan sem ég er búin að eignast í þessum skóla, eða allavegana sú eina sem ég ætla mér að hafa samband við áfram. Hún var búin að tékka á því hvar við ættum að verja okkar og ætlar að mæta eftir vörnina og óska okkur til hamingju. Þetta finnst mér virkilega sætt af henni og sýnir enn og aftur að þetta er vinkona í raun!

Ég nennti ekki að fara að læra þegar ég kom heim og settist því út í sólina með vörn 15 og Vikuna (amma safnar fyrir mig sko) Eftir 2 tíma í sólinni á heitasta tímanum hélt ég að ég væri bara orðinn einn kolamoli því sólin er svo sterk en þegar ég kom inn er ég með örlítið far og bara fallega brún... össs þessi sólarvörn er alveg að gera sig og er ég þvílíkt ánægð með hana þrátt fyrir að þetta sé eins og leir á þykkt. Ég er nébbla svoldið kærulaus í svona málum en ætla mér að vera dugleg núna að verja húðina enda er ég að fara í 35-40 stiga hita í júlí hehehe ;-)

Jáh og talandi um Ameríku. Ég varð svo glöð í gær þegar afi tilkynnti mér að Skúli og Zina ætluðu að reyna að koma til Íslands í ágúst þegar afi verður sjötugur. Þá fæ ég að hitta litla frænda minn Sebastian 2x á sama árinu og ég sem hef ekki séð hann í 3 og hálft ár núna og hann er að verða 5 ára kjúttípæ. Mikið ætla ég að nýta mér að vera svona mikið með honum, ætla alveg að stjana við hann!

Meiri gleði, eftir smá er að byrja landsleikurinn hjá Íslendingum og Svíjum. Ég var nú heldur betur svekkt þegar ég sá að RÚV sýndi ekki beint á netinu en hvað haldiði ég er auðvitað með sænsku stöðvarnar hérna og ein stöðin sýnir auðvitað beint þannig ég er að fara að koma mér vel fyrir og horfa á leikinn :-) Áfram Ísland!

En mikið get ég blaðrað þrátt fyrir að það sé ekkert í fréttum. Vonandi hafiði gaman af elskurnar mínar! Ég vona líka að þið sendið góða strauma til mín.... sakna ykkar allra!!!

Í dag er föstudagur og einungis 4 dagar í settan dag! Nú tala ég eins og ófrísk lady en í mínu tilfelli er biðin á enda þann 13.júní kl.13:30 þegar unglambið BSc fæðist :-)

Það jaðrar við smá sommerfíling svona í morgunsárið þar sem við mættum Begga (bróðir hennar St.Rutar úr Hfj) á leiðinni í sína vörn á mastersverkefninu og þeir félagar voru klæddir í sitt fínasta. Það er engin spurning að við Andri verðum flottust á þriðjudaginn þegar við mætum í stíl bæði í jakkafötum, ég í hælum en hann með bindi...

Annars er dagurinn búinn að fara í skipulagningu á fyrirlestrinum. Erum ekki að nenna þessu enda er fílingurinn fyrir síðasta prófið alltaf eins og ætti þessi fílingur að vera fyrir öll próf því þetta er miklu skemmtilegra heldur en stresshnúturinn! Efa samt ekki að sá hnútur gerir vart við sig þegar nær dregur ;-)

Góða helgi öll sömul, njótiði þess nú að vera til og slappa af í góða veðrinu ;-)

Ég held að ég sé með sjúkdóm! Ég er búin að vera í átaki síðustu daga með að eiga bara hreinlega ekkert nammi í skápunum sem gerir það að verkum að ég "þarf" ekki að borða neitt nammi. Ég hef verið með stanslausan njálg og get ekkert einbeitt mér að skólabókunum og ég held bara hreinlega að þetta sé nammileysið. Mér finnst eins og það vanti eitthvað til að japla á og ég er stanslaust að opna skápana hérna en allt kemur fyrir ekki, EKKERT NÝTT!!!

Ég verð að hlaupa út í sjoppu og kaupa mér tyggjó, virkar það ekki eins og plástur á ó-óið mitt hehe!!

Jæja góðir hálsar þá er sumarið að koma í annað skiptið í Köben. Búið að vera alveg rjómablíða síðustu daga og á víst að vera út vikuna. Er þetta týpískt eða hvað hehe... það var nébbla rjómablíða þegar ég var að skrifa ritgerðina og svo eftir að ég skilaði er búið að vera skýjað og rigning allan tímann. Svo loksins þegar ég þarf að fara að koma mér inn að læra þá kemur sólin aftur... bööööhh þetta er sko ekki sanngjarnt!!!

En ég ætla ekki að kvarta, ég stelst út í hálftíma hér og þar hehee... en ég ætla að vona að sólin svíki mig ekki í USA þá fyrst verður stelpan spæld ;-)

Veit ekki hvort þessi draumur var út af 06.06.06 en mig dreymdi hálfgerða martröð í nótt. Vaknaði upp alveg með illt í maganum og allt en mig var að dreyma prófið sem ég er að fara í eftir viku. Það pössuðu öll details, gaurarnir sem fara á undan okkur inn sátu í prófinu og mér fannst þeir eitthvað svo berskjaldaðir (það eru gluggar á stofunni sem við verðum prófuð í). Svo passaði reyndar ekki að ég var að fara í próf með einum strák og einni stelpu... en þau voru mikið betur undirbúin en ég og ég átti alveg eftir að semja fyrirlesturinn minn og allt, var að gera það þarna 5 mín fyrir próf!!!

Hvað táknar þetta??? Ég get auðvitað reynt að hafa áhrif á drauminn með því að vera betur undirbúin, ég ætla sko að kunna fyrirlesturinn minn utanað og svo hef ég reyndar verið smá stressuð yfir þessum þeoríum sem maður þarf að kunna fyrir utan ritgerðarefnið en ég ein get víst ráðið því hvort ég verð vel undirbúin eða ekki, er farin að læra!!!!!!

Pant mæta aftur í danska fermingu... nú vorkenni ég eiginlega bara gestunum sem mættu í mína fermingu því mikið svakalega var hún leiðinleg hahaha ;-)

Það var sungið og trallað, allir sátu saman til borðs, skemmtiatriði hægri vinstri, nokkrar ræður og allt flæðandi í léttum flöskum! Þar sem ég var ein og yfirgefin í þessari fermingu var ég látin sitja hjá vinkonuhópnum hennar Siggu Lóu sem voru komnar til Köben í "fermingu" hahaa.. þær voru búnar að vera vel hressar alla ferðina og var ég svooo sátt við mitt borð því þvílíkt og annað eins stuð :-)

Og svona til að toppa allt þá var fermingarveislan í 8 klukkutíma og það var BORÐAÐ allan tímann... Sigga Lóa og Kristján eru náttla veislugjafar af guðs náð og án efa mínar fyrirmyndir í svoleiðis. Takk æðislega fyrir mig elsku fjölskylda :-)

En svona eftirrationalisering.... mikið á ég eftir að sakna Köben! Ég sá það í gær hvað maður hefur það virkilega gott hérna og ég hefði getað farið að væla á staðnum þegar Sigga Lóa sagðist eiga eftir að sakna mín svo.... ohhhh ÉG LÍKA ÉG LÍKA!!!!!

Í dag hefst aftur á móti nýr kafli. Ég er búin að hafa það allt of gott síðan við skiluðum ritgerðinni en nú er kominn tími til að hysja upp um sig og byrja að læra. Ég var að taka fram bækurnar og sá að ég er komin með sekt á eina bók sem ég tók af bókasafninu og þegar það gerist hjá Hörpunni þá er nú eitthvað óskipulag í gangi ;-) Framundan eru 8 hard core dagar þar sem ég fer í sama pakkann og fyrir páska, vinna á daginn og læra á kvöldin enda veitir ekki af öllum þeim gjaldeyrir sem ég kemst yfir til USA ;-)

Jæja þá er settið í flugvélinni á leiðinni til Íslands. Það var sko aldeilis æðislegt að hafa þau hjá sér, alltaf getum við hlegið eins og fífl og huggað okkur saman, I love my parents :-)

En heyriði einhverjar fréttir af liðinni viku... Lególand sló í gegn og ég plataði elsku mömmu mína í rússíbana hahahhaa, hún varð alveg hvít greyið og ég hélt bara að þetta yrði hennar síðasta þegar hún stóð uppúr vagninum en við pabbi hlóum okkur máttlaus af þessu og mamma reyndar líka EFTIRÁ!! Svo vorum við pabbi alveg vitlaus í öllum tækjunum þarna og var svaka fjör þegar við ætluðum að rústa "aumingjunum" í einhverri brunaæfingu en við enduðum á að skíttapa fyrir pabba með 4ra ára soninn takk fyrir... kannski af því ég grenjaði úr hlátri allan tímann ;-)

Svo erum við búin að versla alveg eins og brjálæðingar og borða úti á flottustu veitingastöðunum í Köben. Þessar verslunarferðir voru svo magnaðar að ég þurfti að lána þeim eina tösku heim hehee... en ég er sko varla byrjuð að versla, get ekki beðið eftir að Sigrún beibí komi til mín og þá verða sko þrammaðar tískubúðirnar, mér finnst sko ALLT flott þessa dagana ;-)

En jæja er að þrífa mömmu og pabba út núna. Búin að henda í þvottavélar og ætla að reyna að koma röð og reglu á alla þessa fullu pappakassa hérna. Ég réði nébbla pabba í vinnu hérna, hann var í því að bletta í naglaför og hjálpa mér að ganga frá hinu og þessu og nú lítur íbúðin í alvöru út eins og það séu flutningar í gangi enda ekki skrítið, gámurinn kemur eftir 2 vikur og ég er bara á leiðinni heim eftir 3 vikur úúff hahahaaa maður er bara ekki að átta sig á þessu ;-)

Áður en allt þetta gerist þá skulum við nú aðeins fá Hörpuna niður á jörðina því eftir er að verja ritgerðina 13.júní og svo sækja yndislegu Sigrúnu mína um kvöldið jibbííí....

Góða helgi elsku fólk, ég ætla að njóta helgarinnar með því að fara í danska fermingu :-)

Elskulega æðislega rjómabollan mín er 25 ára í dag :-)
Árni fagnar afmælisdeginum með því að baka vandræði í 12 tíma og fara svo heim til brósa þar sem hann býr á Ísafirði og vonandi fá eitthvað annað en soðinn fisk í matinn ;-) Njóttu dagsins elskan mín....

Ég er löngu búin að gefa honum afmælisgjöfina sína en það var voða flottur videó ipod og af því við erum í svona long distance þá héldum við bara litla afmælisveislu um páskana!

Annars er voða gaman að hafa mömmu og pabba. Erum búin að bralla margt og mikið og borða yfir okkur, diet hvað er nú eiginlega það??? Erum svo ekki einu sinni búin að ná að fara niður á Strik ennþá hehee.. það hlítur að koma að því en á morgun er Lególand á döfinni :-)

Takk fyrir allar kveðjurnar elsku vinkonur, ég er alveg í skýjunum :-)

Heyriði ég er bara búin að hafa það geggjað síðan ég skilaði. Búin að shoppa af mér rassgatið, eyða quality time with my girls og loksins steig ég inn í fitnessdk í meira en hálftíma og gvuð minn góður, ég líka finn vel fyrir því núna hehe ;-)

Annars fór ég til Andra og Siggu í gær, skuldaði þeim sko þokkalega hitting. Það var svo kósý hjá okkur og var grillaður kjúlli og hvítvín á boðstólnum. Um kvöldið voru svo bakaðar m&ms pönnukökur hehe! Svo var Andri svo æðislegur að lappa uppá hjólið mitt, alveg ferlegt hvað það er að detta í sundur en núna heldur það allavegana næstu viku hehe... thanx hon ;-)

En jísúss ég vaknaði í morgun stútfull af kvefi. Skil þetta bara alls ekki, hef verið að finna fyrir þessu síðustu daga en nb. ég hef ekki orðið veik í 100 ár eða eitthvað. Svo hugsaði ég ekkert um þetta, hjólaði bara af stað með Siggu því ég svaf heima hjá þeim og þegar ég kom heim var eins og slökknað hefði á mér... ég hljóma núna eins og The Nanny gellan og finnst eins og hausinn sé að springa! Úff ekki gott sko en ég er samt búin að ná að rústa heimilinu hérna hehehe... núna eru 14 kassar orðnir fullir af dóti og þeim er staflað snyrtilega UPPÍ LOFT hehe. Varð að byrja að pakka aðeins og þvílíka kerfið sko, skrifa niður hvað er í hverjum einasta kassa og númera svo því það er ekki eins og ég sé að fara að pakka þessu öllu upp þegar við komum heim.. hahaha ætli þetta verði ekki í kössunum allavegana fram að jólum ;-)

Annars er kínaparið sem flytur hingað inn á eftir okkur að gera mig svoldið þreytta. Þau eru bara búin að koma ÞRISVAR og ég hefði betur sleppt því að vera svona næs við þau... eða ekki því kannski er ég að fara að græða helling á þeim hehe! Þau komu í fyrradag og spurðu hvort ég vildi ekki selja húsgögnin mín og ég var nú ekkert svo viss um það en eftir að hafa spjallað um þetta við Árna þá ákváðum við að bjóða þeim sófasettið, stofuborðið og borðstofuborðið og þau eru að koma á morgun að skoða. Ég setti náttla allt of hátt verð á þetta en ég meina ef þau vilja þetta ekki só be it.. hehe ég var nú hvort sem er búin að ákveða að setja þetta allt í gám ;-)

En jæja ætla að halda áfram að vorkenna sjálfri mér með þetta ógeðslega kvef og klára að þrífa heimilið áður en mútter og far koma, bara sólarhringur jeiiiii :-)

Þá er dagurinn genginn í garð, sá dagur sem ég hef beðið eftir í alveg rosalega langan tíma :-) Við erum BÚIN með BSc ritgerðína okkar og eigum einungis eftir að mæta í skólann og skila! Skiladagurinn er reyndar á morgun en til hvers að skila þá ef þú getur skilað í dag... ætluðum bara að sofa út og skila í kringum hádegið og fara svo saman í brunch og bjór, jáh ÉG ÆTLA MEIRA AÐ SEGJA AÐ FÁ MÉR BJÓR!!!!

Já svo eru svo margir að spyrja hvernig gekk. Úff ég bara hef ekki hugmynd, hef mjög góða tilfinningu fyrir verkefninu en svo er svo erfitt að segja hvort leiðbeinanda og prófdómara finnst það sama. Það kemur allt í ljós þann 13.júní kl.13:30 þegar við verjum verkefnið með kjafti og klóm og Harpan verður vonandi formleg Bachelorette hahaha.. já ókei fæ gráðuna ;-)

En að öðru, Eurovision partýið var æði! Ég var reyndar bara systir hennar Silvíu því ég var í svo lélegum búning en Manda tók þetta með stæl. Ég tók líka óvænta gesti með í partýið því Dagný og Gunnar Berg voru í helgarferð í Köben og ég bara dró þau með mér :-) Ekkert smá gaman að hitta þau og sæta Mola minn, úff frekar mikið hönk drengurinn og átti hann alveg í mesta basli við að halda Hafrúnu Heklu (dóttur Sverris) frá sér þetta kvöld hahaha.....

Annars hitti ég Siggu Birnu leið og ég kom heim í gær alveg búin á því eftir ritgerðina og hún var nýbúin að baka bollur þannig hún bauð mér bara heim og hversu næs var það, takk takk Sigga ;-) Ég var nú reyndar alveg að sofna í sófanum hjá henni hehe en slapp við að elda kvöldmat fyrir einn EINU SINNI ENN haha, jáh kjéllan greinilega orðin þreytt á að elda fyrir einn og kvöldmatarnir eru eftir því, frekar daprir oft á tíðum!

En framundan er bara smá FRÍ... jáh þið lásuð rétt FRÍÍÍÍÍ :-) Ég ætla að rækta vini mína í þessari viku og fara með Söndru á Strikið og kannski versla smá híhí og svo ætla ég að fara til Andra og Siggu og skála í hvítvíni og við stelpurnar ætlum að hafa það svoooo huggulegt og horfa á Ungfrú Ísland í gegnum netið! (koma svo Jóna mín) Annars þarf ég nú líka að þvo þvott og undirbúa komu mömmu og pabba jeiiiii og þau koma á föstudagskvöldið. Þetta verður náttla bara næs að fá að fara flott út að borða, við ætlum í Legoland og svo verðum við á bíl þannig við brunum ábyggilega eitthvað út fyrir borgina ásamt því að njóta okkar á kaffihúsum og í BÚÐUNUM að sjálfsögðu!

Jáh góðir hálsar í dag er dagurinn og ég ætla að njóta hans vel. Þangað til næst, njótiði þess að vera til híhíí... væmið? Neiiiiiiii!!!!!

Jæja þá í þetta sinn! Eurovision var alveg eins og ég spáði feit skyta en shitt hvað ég hefði DÁIÐ ef 18.000 manns hefðu púað á mig... enda var Silvía greyið þokkalega væluleg á myndunum í Mogganum í dag, SKILJANLEGA úff! Var samt svoldið skondið sms sem ég fékk eftir keppnina "Hej Harpa, hvorfor bliver Silvia Night buet ud?" Þetta kom frá einni danskri sem veit greinilega ekki hvað er búið að ganga á og veit ekki hvernig stelpuskottan er búin að haga sér ;-)

Að öðru... Sigga Lóa HETJAN MÍN er búin að lesa yfir ritgerðina og nú er allt að gerast, nú fer allt á fullt. Er að berjast við að skrifa niðurstöðurnar en er með ritstíflu á háu stigi, er búin að ná að skrifa 4 línur á 3 dögum og GERI AÐRIR BETUR hehe! Enda er ég að refsa sjálfri mér að sitja núna á föstudagskvöldi og á ábyggilega eftir að refsa mér aftur og sitja allan daginn á morgun..og hinn og hinn jáh og hananú! Við ætlum nébbla að lesa yfir á sunnudag og mánudag og ritgerðin verður sett í prentun á mánudagskvöldið LJÚÚÚFT!! Eins gott að þetta standist allt saman, RITSTÍFLA FARÐU OG ÁHUGI KOMDU!!!!!!!!!!!

Eins og þið sjáið er stelpan orðin eitthvað tens yfir þessari ritgerð, enda er þetta lang stærsta einkunnin mín og miðað við prófkvíða og fullkomnunaráráttu í fyrri prófum þá er ekkert skrítið að ég sé farin að hegða mér furðulega hehe! En hva, almost finished, hálfnað er verk þá hafið er... back to work baby!!!

Adios...

ÉG hvet alla til að vera sjálfstæða og skoða blað Sjálfstæðisflokksins í Hafnarfirði um helgina. Þar verður Harpan með eitt létt og laggott svona af því ég er svo létt og laggóð :-)

Annars datt keðjan 2x af hjólinu mínu í morgun... jísúss maður kommon þarf bara að duga í einn mánuð í viðbót enda er ég alveg að hvetja það áfram núna ;-)

Er ansi hrædd um feita skytu í Eurovision í kvöld, stend samt með Silvíu þrátt fyrir að hún sé löngu farin yfir strikið góða.. ég dáist bara af því hvernig þessi duglega stelpa þorir að leika hana!!!

Update: Kelly Clarkson er að spila í Charlotte 4.júlí obbobb eins gott að ég fái miða maður, búin að setja frænda í málið!

Jæja langt síðan síðast... og hvað er ég búin að bralla í millitíðinni hehehe, dónt ask! Árni sagði mér að ég skrifaði svo leiðinleg blogg að enginn nennti að lesa hjá mér, hvað þá kommenta. Ég held að þetta sé rétt hjá honum, frekar glötuð lesning þessa dagana ;-)

En helgin var nú ekkert sérlega spes, var bara að vinna og skrifa og það gengur nú bara vel í augnablikinu. Erum búin að skrifa alla kaflana og komin svona nokkurn veginn í max hvað varðar síðufjölda. Nú erum við bara í "mestu" vinnunni en það er að verða ánægð með allt og bæta við og stroka út þar sem okkur finnst ritgerðin ekki nógu góð... við erum sko ekki nærri því orðin sátt ennþá en það eru nú alveg 8 dagar í skil þannig þetta er allavegana í lagi ennþá ;-) Svo ætlar elsku besta Sigga Lóa að lesa yfir fyrir okkur, stefnum á að leyfa henni að fá herlegheitin í kvöld!

Annars er sko loksins eitthvað framundan hjá minni. Þarf að fara út í búð í kvöld og kaupa kökumix því ég á von á heimsókn á morgun jibbíí!! Anna Rut og Guðrún Drífa eru að koma í heimsókn til Bjarnýjar í Sverige og þær ætla allar að koma og kíkja til Hörpu sinnar á morgun. Þær eru líka vonandi með BÚNINGINN minn í fararteskinu því ég á víst að klæðast gervi Silvíu Nóttar næstkomandi laugardag þar sem ég fer í hið árlega Eurovision partý til Svedda og Steffíar... ef þær klikka á búning er ég í djúpum hehe öll fötin farin heim á Klakann ;-)

Það er eins og lífið mitt sé á hold... þetta er mjög einkennileg tilfinning haha ég veit ekki alveg hvernig ég á að haga mér!

Er farin að vakna á undan gamla fólkinu og sest út á pall í eins og einn hafragraut og er svo mætt fyrir framan tölvuna þar sem ég sit allan daginn. Æfingar eru í algjöru lágmarki og hef ég ákveðið að ég sýni bara sjúklegar framfarir í haust þegar mrs. Fislétt mætir á svæðið.. jájá það kostar að verða BSc gella skal ég segja ykkur því kílóunum hefur fækkað og *húrra* hrópa sumir en aðrir sem heita Ég vilja bara ekkert léttast neitt.. sérstaklega þar sem ég veit hvað er að fara.. allavegana er það ekki fita!!

Hljóma eitthvað hálf vonlaus en ég er það alls ekki... er svo sátt eitthvað þar sem ég veit að í dag eru bara 12 dagar í skil á tryllitækinu og er það eini hluturinn sem ég pæli í þessa dagana!!!

Ég sat hérna sveitt við ritgerðarsmíð þegar ég sá par vera að gæjast í garðinum. Ég fór eitthvað að velta þeim fyrir mér þegar ég sá að þau voru greinilega að tala um íbúðina MÍNA!! Þannig ég bara skellti mér út á blett og fór að tala við þau og þá kom í ljós að þau eru að fara að FLYTJA INN 1.júlí.....

Hversu lítið þarf til hahaha.... ég var næstum farin að grenja á staðnum yfir þessu!!
En mér fannst þau samt svo sæt eitthvað svona skáeygð og talandi óskiljanlega ensku þannig að ég bara bauð þeim inn og hélt minn fyrsta sýningarhring sem fasteignasali hehehe.... það gekk svona vel og þau fóru út með stjörnur í augunum og ætluðu á stundinni út í Fields að borga trygginguna híhíí!!

Niðurstöður: Næstu íbúar eiga eftir að fara vel með elskulega endaraðhúsið okkar :-)

Liggaliggaláááái..... ég var að panta flugið mitt til Skúla og Zinu í dag :-)

Ég segi farvel til Köben þann 23.júní þegar ég og Árni stígum uppí sömu vél og fljúgum saman til Íslandsins góða. Jáh ég átti sko ekki von á því að við myndum taka sama flug heim en dúddinn hjá Icelandair var svo ææææðislegur við mig :-)

Svo verð ég á Íslandi í viku og flýg svo áfram til Baltimore þar sem ég verð í eina nótt hjá systur hennar Zinu. Það verður nú eitthvað stuð að vera inná svona totally amerísku heimili en ég hlakka samt til, þetta verður eitthvað spes ;-) Svo flýg ég með US Airways til Charlotte í Norður Karolínu þar sem ég ætla að vera í 2 vikur hjá elskulegu fjölskyldunni minni. Þau eru með sundlaug og golfvöll sem er bara fyrir þeirra götu og ég held ég sé að fara rétt með það að það séu einhver 5 baðherbergi í Egilsson palace hehe... jáh ég er sko að fara í THE pakkann :-)

Fyrir þetta allt saman borgaði ég það sama og ef ég hefði bara farið frá Íslandi til Baltimore... hvort eigum við að kalla þetta einokun eða bara snjallt buisness fyrirtæki ;-)

Þetta góða veður er bara komið til að vera held ég. Algjört yndi og vona ég að þetta haldist bara svona næsta einn og hálfa mánuðinn og svo má rigna restina af sumrinu híhíí....

Heyriði ég verð að hryggbrjóta ykkur með því að segja að það er bara EKKERT að frétta. Þegar lífið snýst um að vakna, borða, skrifa og skíta þá er nú ekki mikið að segja frá er það ;-)

Annars gengur ritgerðin bara vel eins og er og allt á áætlun... tökum þó öllum svona fréttum með varúð, ég gæti fengið móðursýkiskast í kvöld yfir einhverju sem ég get ekki skilað frá mér hehe! Og hversu glatað er það að spjalla við Hemma í HR og heyra að hann sé að SKILA SINNI BS Á MORGUN bööhhööö af hverju kemur sumarið svona snemma heima, allir að verða búnir í prófum bara :-/ En maður er nú aldrei svartsýnn, ég hef nú gengið í gegnum þetta í þrjú ár núna og alltaf enda ég sem glaðasta manneskja á plánetunni þegar ég labba út úr síðasta prófinu um miðjan júní... í ár verður sko engin breyting þar á ;-)

Sit hérna ein á laugardagskvöldi og hef ekki stigið upp úr stólnum nema einu sinni til að fá mér kvöldmat. Annars er ég á fullu í ritgerðarsmíð og gvööööð hvað þetta tekur langan tíma að ná niður fokking eina síðu, hvað þá SEXTÍU!!!!! Ég á fund með samskrifara mínum á morgun og ég GET VIL OG SKAL ná því sem ég setti mér fyrir....

Fjölskyldan finnur greinilega fyrir því að ég þarf á stuðning að halda, síminn er búinn að vera rauðglóandi hérna hjá mér og nú er svo komið að það er búið að taka hann úr sambandi, eða öllu heldur bara setja á silent ;-)

Ég lofa að tala ekki um hversu gott veður er hérna því ÉG MÁ EKKI VERA ÚTI!!! Langaði bara að segja ykkur að ég sit FÖST inni að semja ritgerð sem ég sætti mig nú svo sem alveg við, þetta er alveg að verða búið bara 19 dagar í skil en þegar bæði Færeyingarnir og Carsten Metrógæi eru með gettóblasterinn út í garði og grilla BÆÐI í hádegis og kvöldmat þá er mér ekki skemmt......

Annars fékk ég gleðitíðindi í gær, Sigrún sæta ætlar að koma í heimsókn til mín á ÞEIM MERKA DEGI 13.júní sem er bara SAMA DAG OG ÉG KLÁRA :-) Hversu lovely er það... þannig ég er bara að fá hellingsheimsóknir því mútta og far koma eftir akkúrat 3 vikur vííí vííí víííííí!!!!!

En stórfrétt dagsins góðir hálsar :-) Árni æðislegasti kærasti í heimi er kominn með vinnu næsta vetur vííííííííííí.... hann á sem sagt að sjá um bakaríið á Hótel Loftleiðum og er þetta eitthvað fyrir Felinn minn, hann verður sem sagt í öllu frá morgunrúnstykkjum til hótelgesta til brúðartertna handa tilvonandi hjónum því veisluþjónustan verður öll á hans könnu... gott fólk ég á flottan kærasta ;-)

Váááááhhhh ef þið bara gætuð séð í hversu ógeðslega góðu skapi ég er akkúrat núna... úúffff er alveg að missa mig hérna, FINNIÐI ÞAÐ EKKI ;-) vúúhhúúú....

Kláraði sem sagt þetta DREP próf með stæl EN EKKI HVAÐ... veit reyndar ekkert hvernig mér gekk en ég skrifaði og skrifaði og var með krampa í lokin sem boðar BAAAAARA gott er þaggi hehehe!!! Svo þegar Harpan labbaði út úr prófinu þurfti hún að byrja á því að AFKLÆÐAST því það var bara GEÐSJÚKT gott veður og við þetta brosti Harpan bara hringinn og er búin að gera í ALLAN DAG!!!!

Fór niðrá Strik og sleikti bæði sólina og mannlífið. Fór svo inná Icelandair skrifstofuna og hitti þar æðislega sparsaman Dana sem gaf mér ÖLL GÓÐU RÁÐIN hvernig á að panta sér ódýrt til USA og hvernig á að fara í kringum kerfið til að panta innanlandsflugið í USA þannig nú er ég sko klár í slaginn og þakkaði þessum sparsama Dana svo vel fyrir að hann hélt ég ætlaði bara að giftast honum þarna á staðnum ;-)

Svo er ég búin að tala við Eimskip sem eru búnir að ganga frá gámapöntuninni minni og gámurinn kemur hérna fyrir utan hjá mér 16.júní sem er bara geggjað því þá þarf Árni greyið að púla úr sér lifrina við að fylla hann þá helgina, nó 17.júní fyrir hann múhhahahaaa!!!!!

En jæja... má ekkert vera að þessu, er í sólbaði með Birnu Færeying (granninn minn) og ætla trúlega til Söndru beibí seinnipartinn.... þannig túrílúúúúúú!!!!!!!!!

Er búin að vera eitthvað leið undanfarið, örugglega bara vegna þess að ég sakna Árna míns og er komin með ógeð af þessari lögfræði og vildi helst bara fara í prófið núna því stressið er aðeins farið að minna á sig fyrir þetta lokaverkefni mitt sem bíður bara eftir að fara á fullt og tíminn líður krakkar mínir.... 23 dagar í skil á tryllitækinu!

Eeeeeeeennnn akkúrat þegar ég var að pæla í að skrifa eitthvað vonleysisblogg þá fæ ég þennan ÆÐISLEGA email frá einni ÆÐISLEGRI vinkonu minni og ég ætla nú bara að vera svo ÆÐISLEG að setja brot úr emailinu hingað inná bloggið, sæta mín þú kærir mig bara fyrir höfundaréttarstuld næst þegar við hittumst ;-)

"Langaði reyndar líka að segja þér að ég var að skoða handboltamyndirnar þínar í gær, geggjaður á þér háraliturinn og þú ert alltaf svo happy eitthvað,- sama hvort ég er að skoða myndir af þér eða lesa bloggið þitt,.. maður finnur alveg gleðiorkuna streyma út! Það er nú einmitt þess vegna sem mér finnst að þú eigir að kalla þig Hörpu Gleðikonu !!!! ;) Hvaða H-vítamín ertu annars að taka ???? (Happy-pills)"

Váááhh takk takk takk takk dúllan mín.... þetta er sko vítamínssprautan fyrir vikuna hjá mér og ég held barasta að ég hafi fengið FJÓRFALDAN SKAMMT AF H-VÍTAMÍNI þarna :-) Ég tala við ykkur næst þegar ég er búin í prófinu, klára þann viðbjóð á miðvikudaginn og held bara að ég geti ekki verið betur undirbúin... þangað til þá adios amigos ;-)

Æðislegt kvöld í gær, var sem sagt á lokahófi hjá Ydun og hef bara sjaldan skemmt mér jafnvel! Hef náttla ekki séð skvísurnar mínar í rosalega langan tíma og voru því fagnaðarfundir og mikið knúserí. Þetta var nú samt svoldið erfitt kvöld fyrir mig því þetta var svona eitt af síðustu skiptunum sem ég hitti þær svona allar á sama stað... jáh ef ekki bara síðasta skiptið því það eru nokkrar að fara annað og svona eins og gengur og gerist, til dæmis er markmaðurinn okkar að fara að spila með Slagelse... sú á eftir að meika það þar :-)

Annars fékk ég æðislega gjöf frá þeim og ég var næstum farin að væla uppá sviði! Ég var búin að óska mér að fá að halda keppnistreyjunni minni svona til minninga en þetta félag er nú svoldið spes og vill aldrei gefa búningana heldur hafa þeir safnað settunum frá 1950 held ég... frekar ólekkert en liðið sem sagt lét gera glænýtt dress (harpixfrítt) handa mér og setti nafnið mitt á treyjuna og svona, voða sætt og svo fékk ég frá stelpunum stærsta blómvönd sem ég hef séð og allt safnið af dönsku hitturunum... þið hafið örugglega engan áhuga á þessu safni en fyrir þá sem vita þá er þetta "kom tilbage" og "jeg elsker dig" diskarnir og ég er alveg á fullu að hlusta núna og syng með eins og brjálæðingur :-)

En fyrir ykkur sem hafið áhuga þá tók ég nokkrar myndir í gær! Þær eru sem sagt hér!

Skrapp ganni inní Elgiganten (Elkó) fer ALDREI þar inn néma að vera með Árna með mér... veit ekki akkuru ég ákvað að labba þarna í gegn en ég ætlaði að athuga hvort þvottavélin og þurrkarinn okkar væru ekki á sínum stað en hvað haldiði, þvottavélin var á einhverju udstillingsmodel pris og ég fór því að forvitnast um þetta og kom í ljós að þeir fá ekki fleiri svona týpur og ég varð að taka hana STRAX ef ég ætlaði að fá þessa þvottavél.. eins gott ég kíkti við! Mig er sko búið að dreyma um þetta sett og þegar ég vil ÞESSA vél en ekki hina er sko erfitt að þurfa að sætta sig við eitthvað annað... jáh ókei þetta er BARA þvottavél en you know what I mean ;-)

Ég rauk af stað, hringdi í Andra bekkjó og hann kom eins og kallaður. Nú er þvottavélin komin inní stofu og ég get ekki lengur boðið í mat við borðstofuborðið okkar, það er bara hreinlega EKKI LENGUR PLÁSS :-) ok ok það var ekki pláss fyrir löngu síðan en ég er samt ánægð með að þeir leyfðu mér að geyma það að taka þurrkarann líka, tek hann bara eins og planað þegar mamma og pabbi koma en ég er búin að borga hann þannig þeir selja hann allavegana ekki frá mér! Þetta er sko SETT ;-)

Annars var ég svooooo ánægð þegar pósturinn kom því við vorum að græða af þessum sparsömu Dönum... við fengum helminginn af húsaleigunni okkar endurgreidda því Daninn er svo duglegur að spara rafmagn og það er allt sameiginlegt hérna hahahaa... og ég sem spreða at helvedes til ;-) Jáh lífið er yndislegt í 17 stigum og sól í dag... en til að setja svartan blett á þetta allt saman ætla ég að halda áfram í lögfræðinni!!!

See you guys og góða helgi elskurnar mínar... veriði nú dugleg að senda mér læristrauma, helst í gegnum þetta kommentakerfi hérna ;-)

Hvað er með mig og gamla fólkið hérna í Köben... ég virðist alltaf lenda uppá kant við þetta blessaða þrjóska og íhaldssama lið!

Ég var sem sagt í Nettó í dag að versla inn fyrir vikuna. Svo er ég í rekkanum þar sem hrísgrjón, pasta, núðlur og eitthvað svona stöff er og rek augun í nýja tegund af núðlum sem ég hafði ekki séð áður. Þær voru sem sagt í neðstu hillunni og ég beygi mig niður eftir þeim. Það var gamall skarfur fyrir aftan mig sem fannst greinilega brotið á sér þarna og hvað haldiði að hann hafi gert.... hann labbaði fram hjá mér þar sem nóta bene var NÓG PLÁSS en "rakst samt" utan í mig og akkúrat á meðan hann er að leika þetta þá stend ég upp og greyið féll rækilega á eigin bragði þarna því hann féll killiflatur í gólfið... hehehee ég náttla vældi úr hlátri því þetta var alveg eins og í bíómynd en honum var sko ekki skemmt, ætlaði að kalla á lögguna og ég veit ekki hvað, ég bara náði ekki andanum fyrir hlátri og sagði svo bara pent við þann gamla að hann ætti nú ekkert að vera að abbast uppá unga fólkið, það væri alltof klárt... gamli skarfurinn sagði ekki orð og vildi enga hjálp frá mér við að standa upp!!!

Jáh svona var nú það... annars er ég enn í hláturskasti við að lesa bloggið hennar Gunnu, Gunna þegar maður er farinn að pissa freyðipissi þá getur maður farið að meika money, er þaggi ;-)

Var í síðasta formlega tímanum mínum í CBS í dag! Það var brosað út í annað þegar maður gekk út úr skólastofunni... kennarinn okkar bauð okkur reyndar uppá hyggelig lørdag þar sem hann ætlar að fara í gegnum alla þá rétti sem við þurfum að kunna, ég ætla að þá það boð þar sem ég er ekki sú sterkasta í þessu ;-)

Framundan eru sem sagt 7 dagar helgaðir lögum og reglum og þá er þetta frá! En svona til að fagna síðasta tímanum ætla ég að hafa tærnar uppí loft í allt kvöld og glápa á sjónvarpið svona til tilbreytingar ;-)